इंदिराबाई आगाशे इंग्लिश मीडियम स्कूलचा दहावीचा १०० टक्के निकाल | SSC 2026 Result

श्रीपूर येथील इंदिराबाई आगाशे इंग्लिश मीडियम स्कूल या शाळेने दहावीच्या परीक्षेत यंदाही १०० टक्के निकालाची परंपरा कायम राखत उल्लेखनीय यश संपादन केले आहे. सलग दहा वर्षे शंभर टक्के निकाल देण्याची गौरवशाली परंपरा शाळेने यावर्षीही कायम ठेवली आहे.

यामध्ये सिद्धी तानाजी शिंदे हिने ८४.०० टक्के गुण मिळवत प्रथम क्रमांक पटकावला. श्रुती सदाशिव जोरवर हिने ८२.६० टक्के गुणांसह द्वितीय, तर ज्ञानेश्वरी बाजीराव दगडे हिने ८०.६० टक्के गुण मिळवत तृतीय क्रमांक मिळविला. तसेच वैभव भारत कदम याने ७४.२० टक्के आणि सुयश संजय भाग्यवंत याने ७१.६० टक्के गुण प्राप्त करून यश संपादन केले.

या यशाबद्दल संस्थेचे अध्यक्ष डॉ. रामदास आबासाहेब देशमुख, उपाध्यक्ष शुभांगीताई रामदास देशमुख, संचालक यशराज रामदास देशमुख तसेच सचिव भारत रामचंद्र कारंडे यांनी यशस्वी विद्यार्थ्यांचे अभिनंदन केले.

शाळेचे मुख्याध्यापक संतोष सुर्यवंशी, उपमुख्याध्यापिका तृप्ती देशपांडे, पर्यवेक्षक रणजित साठे, वर्गशिक्षक तसेच सर्व विषय शिक्षकांनी विद्यार्थ्यांच्या यशाबद्दल कौतुक करत पुढील वाटचालीस शुभेच्छा दिल्या.