माळशिरस तालुक्यात जिल्हा परिषद निवडणुकीसाठी पात्र उमेदवारांची अंतिम यादी जाहीर

माळशिरस तालुक्यात निवडणूक रंगात; नमुना १३ नुसार वैध उमेदवार जाहीर

गावानुसार यादी पाहण्यासाठी पीडीएफ लिंक वरती क्लिक करा

ZP All Malshiras _Namuna 13 Valid Nominations

सोलापूर जिल्हा परिषद निवडणूक : माळशिरस तालुक्यात गावनिहाय पात्र उमेदवारांची यादी जाहीर

सोलापूर जिल्हा परिषद निवडणुकीच्या पार्श्वभूमीवर माळशिरस तालुक्यातील विविध जिल्हा परिषद गटांसाठी दाखल झालेल्या नामनिर्देशन पत्रांची छाननी प्रक्रिया पूर्ण झाली असून नमुना क्रमांक १३ नुसार पात्र (वैध) उमेदवारांची अंतिम यादी जाहीर करण्यात आली आहे. या यादीमुळे तालुक्यातील राजकीय वातावरण चांगलेच तापले असून सर्व प्रमुख पक्षांसह अपक्ष उमेदवारांचीही मोठी रिंगणात उतरलेली संख्या दिसून येत आहे.

माळशिरस तालुक्यातील दहिगाव, मांडवे, फोंडशिरस, संग्रामनगर, माळीनगर, बोरगाव, वेळापूर, निमगाव, पिलीव आदी गावांचा समावेश असलेल्या विविध गटांमधून उमेदवारांची नावे अंतिम करण्यात आली आहेत.

या निवडणुकीत भारतीय जनता पार्टी, राष्ट्रवादी काँग्रेस पार्टी (शरदचंद्र पवार), भारतीय राष्ट्रीय काँग्रेस, शिवसेना (उद्धव बाळासाहेब ठाकरे), महाराष्ट्र नवनिर्माण सेना, वंचित बहुजन आघाडी, महाराष्ट्र विकास सेना, राष्ट्रीय समाज पक्ष आदी पक्षांचे उमेदवार निवडणूक रिंगणात असून, मोठ्या प्रमाणावर अपक्ष उमेदवारांनीही आपले नशीब आजमावले आहे.

विशेष बाब म्हणजे काही गटांमध्ये एकाच गावातून अनेक उमेदवार रिंगणात उतरल्याचे चित्र आहे. त्यामुळे स्थानिक पातळीवर सामाजिक, राजकीय व कौटुंबिक समीकरणांवर आधारित लढती पाहायला मिळणार आहेत. महिला आरक्षण असलेल्या गटांमध्ये महिलांचा उत्स्फूर्त सहभाग दिसून येत असून अनेक ठिकाणी महिला उमेदवारांची संख्या लक्षणीय आहे.

नामनिर्देशन वैध ठरलेल्या उमेदवारांच्या यादीमुळे आता प्रचाराला वेग येणार असून गावागावात बैठका, संपर्क दौरे, प्रचारफेऱ्या सुरू होण्याची शक्यता आहे. येत्या काही दिवसांत अपक्ष व लहान पक्षांच्या उमेदवारांची भूमिका कोणाला पाठिंबा देणार याकडे सर्वांचे लक्ष लागले आहे.

एकूणच माळशिरस तालुक्यातील जिल्हा परिषद निवडणूक चुरशीची व बहुरंगी लढत ठरण्याचे स्पष्ट संकेत या पात्र उमेदवारांच्या यादीतून मिळत आहेत.