आरोपी दत्तात्रय गाडे याला रात्री उशिरा अटक | Pune-Swargate Rape Case

पुण्यातील स्वारगेट एस.टी. बसस्थानकातील २६ वर्षीय तरुणीवरील अत्याचार प्रकरणात, आरोपी दत्तात्रय रामदास गाडे याला अटक करण्यात आली आहे. मंगळवारी पहाटे साडेपाच वाजता ही घटना घडल्यानंतर, पोलिसांनी आरोपीच्या शोधासाठी १३ विशेष पथके नियुक्त केली होती. तसेच, आरोपीबद्दल माहिती देणाऱ्यासाठी १ लाख रुपयांचे बक्षीस जाहीर करण्यात आले होते.

आरोपी दत्तात्रय गाडे याला स्वारगेट पोलिसांच्या विशेष पथकाने अखेर अटक केली. आरोपी दोन दिवस उसात लपून बसला होता, पण जेवायला मिळत नसल्याने तो पाणी पिण्यासाठी रात्री नातेवाईकांकडे गेला आणि तिथेच पोलिसांना त्याची माहिती मिळाली.

“माझी मोठी चूक झाली, मला शरण यायचं आहे”,-आरोपी दत्तात्रय गाडे

आरोपी दत्तात्रय गाडे भूकेने व्याकूळ झाल्याने रात्री 10 ते 11 च्या सुमारास नातेवाईक यांच्या घरी आला. त्याने पाण्याची बाटली घेतली आणि “माझी मोठी चूक झाली, मला शरण यायचं आहे”, असे सांगून तिथून निघून गेला. मात्र, दत्तात्रय गावात असल्याची माहिती नातेवाईकांनीच पोलिसांना दिली.

डॉग स्कॉडला पाचारण करण्यात आले. पोलिसांनी नातेवाईकांच्या घराच्या परिसरात शोध सुरू केला. पोलिसांना दत्तात्रयचा बदललेला शर्ट सापडला. त्याचा वास श्वानाला देण्यात आला, पण दत्तात्रय ज्या ठिकाणाहून आला होता, तिथे परतलाच नसल्याने पोलिसांच्या हाती काही लागले नाही.

दत्तात्रय गाडे आरोपी कॅनॉल मध्ये झोपला होता आणि सापडला

दत्तात्रय गाडे आरोपी नातेवाईकांच्या घराच्या परिसरात असलेल्या बेबी कॅनॉलमध्ये झोपला होता. ग्रामस्थांनी त्याला ओळखले आणि पोलिसांना कळवले. पोलिसांनी तात्काळ घटनास्थळी धाव घेत आरोपीला अटक केली. त्यानंतर त्याला घेऊन पोलीस पुण्याकडे रवाना झाले. त्याची वैद्यकीय तपासणी करण्यात आले आहे आणि त्याला आता कोर्टात हजर करणार आहेत.