श्रीपूर | ब्रिमा सागर कारखान्यात कर्मचाऱ्याची गळफास घेऊन आत्महत्या

मृतदेह ताब्यात घेण्यास नातेवाईकांचा नकार

संबंधित अधिकाऱ्यांना तात्काळ अटक करा नातेवाईकांची मागणी

सकाळी आठ वाजण्याचे सुमारास घडली घटना

श्रीपूर तालुका माळशिरस येथील ब्रिमा सागर महाराष्ट्र डिसलरी या मद्य निर्मिती करणाऱ्या कारखान्यामध्ये आज गुरुवारी सकाळी आठ वाजण्याचे सुमारास संतोष नामदेव मोरे वय 48 कायम सेवेत असणारा  कर्मचारी नेहमीप्रमाणे जनरल पाळीवरती आला होता. त्याने बॉक्स तयार करण्याच्या दुसऱ्या मजल्यावर असणाऱ्या खोलीमध्ये प्लास्टिक दोरीच्या साह्याने गळफास घेऊन आत्महत्या केल्याची घटना घडली आहे.

याबाबत पोलीस तपास सुरू आहे.  अकलूज पोलीस स्टेशनचे एपीआय चौधरी, एएसआय  बाळासाहेब पानसरे, व त्यांच्या इतर सर्व पोलीस यांनी घटनास्थळाला भेट दिली.  

संबंधित अधिकाऱ्यांना तात्काळ अटक करा नातेवाईकांची मागणी

यावेळी संतोष मोरे यांचे नातेवाईक, परिसरातील लोकप्रतिनिधी आणि काही कामगारांनी सुरुवातीला प्रेत खाली घेण्यासाठी विरोध केला.  कारखाना प्रशासनातील अधिकारी या घटनेस जबाबदार आहेत असा आरोप नातेवाईकांनी केला आहे.  कारखाना प्रशासनातील मुख्य अधिकारी यांना तात्काळ अटक करा, त्यानंतरच प्रेत खाली घ्या, यामुळे पोलीस ,नातेवाईक आणि स्थानिकांमध्ये बराच वेळ बाचाबाची झाली, तणावपूर्ण परिस्थिती निर्माण झाली होती. 

नातेवाईक, स्थानिक  लोकप्रतिनिधीच्या आणि पोलिसांच्या मध्यस्थीने पंचनामा करून जिल्हा उपरुग्णालय अकलूज येथे शवविच्छेदनासाठी मृतदेह नेण्यात आला आहे. परंतु शवविच्छेदन झाल्यानंतर जोपर्यंत कारखाना प्रशासनातील मुख्य अधिकारी यांना अटक होत नाही. तोपर्यंत अंत्यविधी केला जाणार नाही आणि मृतदेह कारखान्यासमोर ठेवला जाणार आहे. असे नातेवाईकांकडून घोषित करण्यात आले आहे. आज  कोणीही कामगार कामावरती गेले नाहीत. बाहेरच सर्व कामगार थांबले आहेत.