पांडुरंग | एफआरपी पेक्षा अधिक दर देत शेतकऱ्यांच्या खिशात आनंदाची भर | बैलपोळा सणासाठी ऊस बिलाचे वितरण |

पोळ्याच्या पारंपरिक सणासाठी ऊस उत्पादक शेतकऱ्यांना सुखद दिलासा
परंपरा जपणाऱ्या पांडुरंग कारखान्याकडून बैलपोळा सणासाठी ऊस बिलाचे वितरण
पोळा सणानिमित्त प्रति मे.टन ₹७५ ऊस बिल शेतकऱ्यांच्या खात्यात
कै.सुधाकरपंत परिचारकांची परंपरा आजही टिकवणारा कारखाना!

संपादक – इन महाराष्ट्र न्यूज | श्रीपूर

श्रीपुर तालुका माळशिरस येथील कर्मयोगी सुधाकरपंत परिचारक पांडुरंग सहकारी साखर कारखान्याने बैलपोळ्यानिमित्त स्व. सुधाकरपंत परिचारक यांनी घालून दिलेली परंपरा आजही जीवंत ठेवत, गळीत हंगाम 2024-25 मध्ये गाळप झालेल्या ऊसास प्रति मे. टन ₹७५/- प्रमाणे पोळा सणानिमित्त ऊस बिल शेतकऱ्यांच्या बँक खात्यात वर्ग केले आहे. या निर्णयामुळे ऊस उत्पादक सभासद शेतकऱ्यांमध्ये आनंदाचे व उत्साहाचे वातावरण निर्माण झाले आहे.

या संदर्भात कारखान्याचे चेअरमन प्रशांतराव परिचारक यांनी माहिती दिली की, “कारखाना स्थापनेपासून शेतकऱ्यांच्या गरजा ओळखून पोळा सणासाठी आर्थिक मदतीचा निर्णय घेतला जातो. ही परंपरा आजही व्यवस्थापन जतन करत आहे.” यावेळी व्हा.चेअरमन कैलास खुळे,  कार्यकारी संचालक डॉ. यशवंत कुलकर्णी उपस्थित होते.

डॉ. कुलकर्णी यांनी सांगितले की, “गळीत हंगाम 2024-25 मध्ये गाळप झालेल्या ऊसासाठी आज अखेर प्रति मे. टन ₹२७००/- इतकी रक्कम अदा करण्यात आली आहे. याशिवाय पोळा सणासाठी ₹७५/- प्रति मे.टन बिल शेतकऱ्यांच्या खात्यात वर्ग झाले आहे. त्यामुळे शेतकऱ्यांना आतापर्यंत ₹२७७५/- प्रति मे. टन असा ऊस दर मिळालेला असून एफआरपीपेक्षा ही रक्कम अधिक आहे.”

येत्या गळीत हंगाम 2025-26 साठी कारखान्याकडे सुमारे १५,००० हेक्टर ऊस नोंदी असून १२ ते १४ लाख मे.टन ऊस उपलब्ध होण्याची शक्यता आहे. कारखान्याने ऑफ सिझन दरम्यान सर्व दुरुस्ती व कामे पूर्ण केलेली असून, गाळप वेळेत पूर्ण करण्याची तयारी झाली आहे.

यावेळी कारखान्याचे संचालक श्री.दिनकरराव मोरे, श्री.उमेशराव परिचारक, श्री.दिलीपराव चव्हाण, श्री.ज्ञानदेव ढोबळे, श्री.तानाजी वाघमोडे, श्री.बाळासाहेब यलमर, श्री.भगवान चौगुले, श्री.लक्ष्मण धनवडे श्री.भास्कर कसगावडे, श्री.भैरू वाघमारे, श्री.गंगाराम विभुते, श्री.सुदाम मोरे, श्री.विजय जाधव, श्री.हनुमंत कदम, श्री.किसन सरवदे, श्री.दाजी पाटील, श्री.दिलीप गुरव, श्री.सिताराम शिंदे, श्री.शामराव साळुंखे, श्री.राणू पाटील आदी व कारखान्याचे अधिकारी उपस्थित होते.