महाळुंग–श्रीपूरमध्ये एक कोटींच्या रस्ते विकासकामाचा उदघाटन सोहळा उत्साहात

रणजितसिंह (भैय्यासाहेब) शिंदे यांच्या हस्ते प्रभाग ६ मधील विकासकामाचे उदघाटन

महाळुंग–श्रीपूर येथे एक कोटींच्या रस्ते विकासकामाचा भव्य उदघाटन सोहळा

महाळुंग, ता. माळशिरस :
मौजे महाळुंग व श्रीपूर, ता. माळशिरस येथे श्रीपूर–महाळुंग नगरपरिषदेच्या हद्दीतील प्रभाग क्रमांक ६ मधील महाळुंग ते गट नंबर २ या रस्त्याच्या विकासकामाचा उद्घाटन सोहळा उत्साहात पार पडला. हे काम महाराष्ट्र सुवर्ण जयंती नवरोत्थान अभियान (जिल्हास्तर) २०२४–२५ अंतर्गत मंजूर झालेल्या एक कोटी रुपये निधीतून करण्यात येत आहे.

या विकासकामासाठी निधी मंजूर करणारे आदरणीय मा. आमदार श्री. बबनरावजी (दादा) शिंदे यांच्या मार्गदर्शनाखाली हा उद्घाटन सोहळा आयोजित करण्यात आला होता. कार्यक्रमास सोलापूर जिल्हा दूध उत्पादक व प्रक्रिया संघाचे चेअरमन तसेच भाजपाचे नेते मा. श्री. रणजितसिंह (भैय्यासाहेब) बबनराव शिंदे प्रमुख उपस्थित होते. त्यांच्या हस्ते रस्त्याच्या विकासकामाचे उद्घाटन करण्यात आले.

यावेळी मा. रणजितसिंह शिंदे यांनी ग्रामस्थांशी संवाद साधत, दर्जेदार व टिकाऊ विकासकामे प्राधान्याने करण्यात येतील, अशी ग्वाही दिली. या रस्त्यामुळे नागरिकांची दळणवळणाची अडचण दूर होऊन परिसराच्या विकासाला चालना मिळेल, असे मत त्यांनी व्यक्त केले.

कार्यक्रमास माढा तालुका खरेदी-विक्री संघाचे चेअरमन बंडूनाना ढवळे, गटनेते राहुल कुंडलिक रेडे, मारुती बापू रेडे, नगरसेवक रावसाहेब सावंत पाटील, प्रकाश नवगिरे, ज्येष्ठ नेते मौला पठाण, झगडे काका, नारायण जमदाडे, सोसायटीचे चेअरमन दत्तात्रय लाटे, व्हा. चेअरमन नागनाथ भोसले, दादासाहेब लाटे, अनिकेत मुंडफने, लखन धुमाळ, राजाराम भोसले, आण्णासाहेब पाटील, सत्यवान कारंडे, सुमित भोसले, गणेश कदम, त्रिंबक वाळेकर, श्रीमंत वडशिंगकर, दत्तात्रय रेडे, विलास महाडिक, अमीर वसान, भीमराव रेडे, भाऊसाहेब जाधव, बाळू जाधव, संतोष रेडे, श्रावण भोसले, जमदाडे सर, नरहरी शिंदे, विष्णू जाधव, महेश जाधव, विक्रांत रेडे, सुभाष गुरव यांच्यासह ग्रामस्थ मोठ्या संख्येने उपस्थित होते.