‘जयोत्सव २०२५’ मोठ्या उत्साहात संपन्न | सहकार महर्षी अभियांत्रिकी महाविद्यालय स्नेहसंमेलन

वि‌द्यार्थ्यांनी सोलो डान्स,ग्रुप डान्स,सिंगिंग,ड्रामा,फॅशन शो या कलागुणांचे सादरीकरण

सहकार महर्षी अभियांत्रिकी महाविद्यालयात जयोत्सव २०२५ कार्यक्रम मोठ्या उत्साहात संपन्न

अकलूज (केदार लोहकरे) शंकरनगर-अकलूज येथील सहकार महर्षि शंकरराव मोहिते-पाटील इन्स्टिट्यूट ऑफ टेक्नॉलॉजी अँड रिसर्च या अभियांत्रिकी महावि‌द्यालयामध्ये वि‌द्यार्थ्याच्या अंगी असलेल्या सुप्त कलागुणांना वाव देण्यासाठी जयोत्सव-२०२५ या वार्षिक स्नेहसंमेलन कार्यक्रम संस्थेचे अध्यक्ष जयसिंह मोहिते-पाटील व महावि‌द्यालय विकास समिती अध्यक्षा कु. स्वरूपाराणी जयसिंह मोहिते-पाटील यांच्या मार्गदर्शनाखाली मोठ्या उत्साहात संपन्न झाला. 

या कार्यक्रमामध्ये वि‌द्यार्थ्यांनी मोठ्या उत्स्फूर्तपणे आपला सहभाग नोंदविला होता. त्यामध्ये वि‌द्यार्थ्यांनी सोलो डान्स,ग्रुप डान्स,सिंगिंग,ड्रामा, फॅशन शो या कलागुणांचे सादरीकरण केले.या जयोत्सव-२०२५ या सांस्कृतिक कार्यक्रमाचे उ‌द्घाटन उ‌द्घाटन महावि‌द्यालय विकास समिती सदस्य वसंतराव जाधव यांच्या शुभहस्ते स.म.शंकरराव मोहिते-पाटील व श्रीमती रत्नप्रभादेवी मोहिते-पाटील यांच्या प्रतिमा पूजनाने करण्यात आले.यावेळी महावि‌द्यालयाचे प्राचार्य डॉ.प्रवीण ढवळे, कार्यालयीन अधीक्षक शब्बीर शेख,समन्व्यक,वि‌द्यार्थी जनरल सेक्रेटरी आमसिद्ध बिराजदार, सांस्कृतिक विद्यार्थी प्रतिनिधी रुद्रतेज माने-देशमुख,वि‌द्यार्थी प्रतिनिधी कु.वर्षाराणी बुधनवर उपस्थित होते.तसेच या कार्यक्रमाचे परिक्षक म्हणून निषाद गाडेकर व अजिंक्य नवगीरे हे उपस्थित होते.     

या उ‌द्घाटनप्रसंगी बोलताना वसंतराव जाधव यांनी वि‌द्यार्थ्यांना भविष्यातील संधी, शिस्त,याबद्दल मोलाचे मार्गदर्शन केले.त्यानंतर महावि‌द्यालयाचे प्राचार्य डॉ.प्रवीण ढवळे यांनी मार्गदर्शन करताना म्हणाले की, महावि‌द्यालयातील सांस्कृतिक कार्यक्रमातून वि‌द्यार्थ्याच्या सर्वांगीण विकास होतो व सुप्तगुणांना भव्य व्यासपीठ मिळते, यातून मुलांमधील आत्मविश्वास वाढविण्यासाठी मदत होते.पुढे प्रतिभावंत कलाकार निर्माण होतो.असे सांगितले.

या वार्षिक स्नेहसंमेलनाचे औचित्य साधून वि‌द्यार्थ्यानी युवानेते सयाजीराजे संग्रामसिंह मोहिते पाटील यांचा वाढदिवस मोठ्या उत्साहात साजरा केला. या प्रसंगी सर्व वि‌द्यार्थ्यांनी सयाजीराजे मोहिते पाटील यांना वाढदिवसानिमित्त शुभेच्छा दिल्या.वार्षिक स्नेहसंमेलना करीता मोठ्या प्रमाणात विध्यार्थ्यांनी व पालकांनी आपली उपस्थिती दर्शवली.या कार्यक्रमाचे सुत्रसंचालन व आभार प्रदर्शन कु.मीनाक्षी राऊत यांनी तर कार्यक्रम यशस्वीरीत्या पार पाडण्यासाठी समन्वयक म्हणून प्रा.अनिल कोकरे व सर्व कर्मचारी वृंद यानी काम पाहिले.